會展送足金模型 迎接第1億位訪客

「恭喜晒！」因乜解究會展管理公司揸fit人、董事總經理Monica（梅李玉霞）笑晒口舉杯慶祝？原來日前開業28年嘅會展迎來咗第1億名訪客！為隆重其事，會展送咗一個由足金打造的會展模型畀呢位幸運兒𠻹，認真大手筆！

來自英國的幸運兒Nicholas J McVeigh入場後得悉中頭獎，表現十分驚喜！聽講佢係會展常客，來港參加香港秋季電子產品展已超過10年，得獎時仲讚揚會展的服務係世界級，環境舒服又安全𠻹。

唔講唔知，原來會展多年來共舉辦咗超過45,000場活動，仲多次獲推選為「亞洲最佳會議及展覽中心」。Monica話活動唔單止為香港和相關行業帶來經濟效益，仲提升香港的國際形象。每年除咗舉辦萬人空巷的書展、漫畫展，國際盛事如Art Basel亦已經第4年在港舉行。今年會展更成為「神奇小子」曹星如擊敗日本拳手前川龍斗嘅主場，締造20連勝，好多難忘經驗喺呢度發生㗎。