軒仔避談與Kenny「分手」 王菀之拆招：我唔係第三者

最近盛傳張敬軒和關智斌（Kenny）結束多年密友關係，軒仔前晚為慈善騷《星光熠熠耀保良》演出，但他未待節目完結便離開，沒有受訪，反而趕返屋企食住啫喱玩直播，留低拍檔王菀之（Ivana）面對傳媒。

軒仔與王菀之前晚合唱新歌《友誼的小船》，但他之後婉拒接受訪問，未知是否怕回應有關他與Kenny的「分手」傳聞。好拍檔Ivana惟有「頂硬上」受訪稱：「佢（軒仔）近排好開心喎，不過佢唔關心我，我唔會理佢。（佢失戀喎？）係咩？關我咩事，我唔係第三者，本身都嫁咗人，今日睇佢演出都心情靚呀。（軒仔唔做訪問。）佢未唱完啫，都未走得。」

談到他們於明年二月合體舉行演唱會，Ivana表示計劃做gym和跳舞，也會跟葛民輝提供的餐單，晚上六時後停止進食，希望練到六嚿腹肌。她笑言：「依家觀眾入場要有啲身形睇下，唔得就套一個假嘅上去，好彩仲有四個月，等我努力做gym。」Ivana又稱她和軒仔的體質都很差，笑言考慮預留個唱第一行座位給醫生，以防一旦暈低，醫生可秒速上台急救。

池錫辰帶唱K神器上《RM》

韓國節目《Running Man》主持人池錫辰來港參與《星光熠熠耀保良》，跟胡琳合唱《你最珍貴》。胡琳早前贈他唱K神器，池錫辰表示已帶返韓國，日前更帶同唱K神器亮相《RM》節目。

撰文：Pauline

編輯：陳禮恒

設計：招潤洪