九巴伍穎梅 帶隊探長者

香港長者人口每年增加，但其實有好多有心人都好關心啲公公婆婆。上周末九巴董事Winnie（伍穎梅），就約埋cafféHABITU創辦人、廖創興家族後人Jennifer（廖偉芬），帶埋一班參加咗社創基金「社創CEO大專賽」嘅學生，化身「老人院實習生」，去到兩間老人院探訪，兼且氹老友記開心。

今次去的安老院全部都揀過度過㗎！好似元朗長青安老院係全港最大物理治療中心，而葵涌蔚耆苑則用咗多項香港獨有環保措施，令長者生活舒適，希望學生探訪後激發更多新諗頭。

除咗探訪，兩位亦抽時間同學生分享公司營運心得同創業經。嚟緊社創基金將會舉辦一系列講座，刺激年輕人諗下點樣解決社會問題，有興趣可登入www.sie.gov.hk/siceo了解㗎。