【聲明】港生活網站並無進行電話推廣活動

吉野家$138任食邊爐返嚟啦!

發佈時間: 2016/10/19

放題返嚟喇!吉野家今年先後喺10間分店推出任飲任食火鍋,大受市民歡迎,唔少人要求Encore再食,黛安從公關姊妹口中得知,火鍋放題明日重出江湖呀!

今次湯底仲搞搞新意思,除咗日式濃湯和野菜清湯,首次引入加拿大龍蝦湯,配合埋芝麻醬、柚子醋等醬汁,一定可將Shabu Shabu鮮味發揮到淋漓盡致。話明日式放題,點可以缺少芝士竹輪、海鮮、鍋物等30款配料!飲品方面都係任飲,仲有6款選擇畀你揀。

有興趣嘅粉絲們,明日起至10月23日可先在灣仔樂基中心及沙田第一城分店享用;而11月3至6日,則由大埔超級城及屯門蝴蝶邨分店接力供應放題,供應時間為下午5點半至晚上10點半,成人138元,小童98元,不限時段同無得訂位,先到先得㗎,想食就要早啲去攞位啦。

撰文: 黛安 消息特靈八卦公關
欄名: 八卦名利場