$110杯山楂餅Cocktail 買一送一試飲

平時最鍾意happy hour同姊妹飲番杯雞尾酒，好飲又classy，傾下心事又唔會飲到「醉醺醺」。旅發局下個月1至10日就主辦「香港雞尾酒巡禮」，特邀32間酒吧同餐廳參加，參與酒吧同餐廳會調配有本土特色嘅雞尾酒（HK Mix），只要到巡禮網頁Share有關食肆嘅粉絲頁，並展示畀店員睇，就立刻享有買一送一優惠。

黛安睇過部分drink list，包括以地道美食紅豆冰炮製嘅「Red Bean Emotion紅豆之戀」，售88蚊；仲有以中藥作靈感嘅Eastern Medic，用飯碗盛載伴以山楂餅，材料包括人參桂花陳酒、洛神花等，酸甜苦味平衡剛剛好，售110蚊，咁特別真係好想試下係咩滋味！