【聲明】港生活網站並無進行電話推廣活動

HKTV mall開舖大抽獎 王維基送你400萬買樓

發佈時間: 2016/10/21

所謂實則虛之,虛則實之,網店做得出色,下一步梗係開番間實體店賀賀佢啦﹗人稱「魔童」嘅香港電視主席王維基,噚日為喺北角和富中心嘅HKTVmall首間門巿概念店主持揭幕。

50部平板電腦落單

諗頭多多嘅佢今次因為新舖開張,搞咗個買樓基金大抽獎,話要送400萬畀普羅市民買樓咁話。只要喺10月份內download HKTVmall個App,再填番啲個人資料,就有機會一人獨得買樓基金做業主!

言歸正傳講番間舖,咪睇佢舖仔細細得幾百呎,原來舖頭度放咗超過50部平板電腦畀客人揀貨,數量仲有12萬件咁多,急凍食品仲可以即場喺舖頭買。

魔童好坦白咁話,話間舖細係為咗慳租金,「我哋畀幾百呎租金,但目標營業額係要多過幾千呎、甚至過萬呎嘅超巿﹗」睇嚟雄心壯志咁喎。

同場公關仲透露,原來HKTVmall開咗1年已經有12.8萬個客幫襯過,截至今年6月底嘅半年中期業績,已經有超過6,700萬營業額,比舊年勁升超過5倍。難怪噚日開幕時,魔童未食晏都空肚開香檳啦!

撰文: 黛安 消息特靈八卦公關
欄名: 八卦名利場