千語彈林峯 打golf唔夠打機叻

吳千語、周柏豪及楊千嬅等昨日分別在海口出席《2016觀瀾湖世界明星賽》活動，千語BB開球姿勢十足，不過球技麻麻。問到男友林峯平日有否打golf？她笑說：「佢打機叻啲，平時我哋都係行山、打羽毛球。」她指自己與林峯一齊運動時，大家表現不相伯仲，男友打波也不會對她手下留情。

同場的周柏豪原來第一次打golf，「我最想喺高爾夫球場遇到李嘉誠，問佢幾時可以買樓。」提到傳方力申與何超蓮拍拖，柏豪表示不知情，「佢哋都幾襯，兩個係運動型，又靚仔靚女。」