新站開通好興奮 港鐵CEO車廂玩自拍

港鐵何文田站同黃埔站終於通車喇！噚日清晨未夠5點，已經有幾十位鐵路迷在黃埔站外等衝閘，搶搭6時10分開出的頭班車，港鐵CEO梁國權（Lincoln）同一眾港鐵高層都有到場，仲同大家開心share搭新車的興奮。

Lincoln同大家排排企上車後，可能畀車廂入面超過100人熱烈拍手歡呼、群情洶湧的氣氛感染到，都忍唔住拎咗部手機出來同身邊的市民自拍，實行一齊逼爆個mon，獨樂樂不如眾樂樂吖嘛！之後仲有唔少市民都爭相搵Lincoln影相，突然變咗明星咁，佢都應接不暇。黛安聽日都要約班姊妹去黃埔站搭下車，selfie下先得！