【聲明】港生活網站並無進行電話推廣活動

廿蚊雞食譜大招募 包包賣萌 幫領展宣傳

發佈時間: 2016/10/24

喺屋企「煮飯仔」又健康又經濟,不過今時今日百物騰貴,要煮餐飯都唔平。領展即日起到下月13號喺旗下78個街市舉行「家常便飯鬥一番」食譜創作比賽,參加者要以20蚊為上限,喺領展旗下街市買食材,之後創作一餸一湯二人分量自家專屬家常菜,真係又考數口又考創意!

今次大會唔單止搵咗藝人徐榮個精靈寶貝囡「包包」做宣傳大使,仲安排咗名廚楊尚友Christian Yang做星級評判,按菜式營養價值、創意、造型及難易度,選出「最佳風味食譜獎」、「最佳賣相食譜獎」、「最具創意食譜獎」、「最有營食譜獎」、及「最有心思食譜獎」五個大獎,得獎者可以獲得精美禮品包同消費獎賞價值1,000蚊,可煮足50餐!

撰文: 黛安 消息特靈八卦公關
欄名: 八卦名利場