黛安
黛安

滙豐推語音櫃員機 方便失明人士撳錢

發佈時間: 2016/10/25

滙豐推語音櫃員機 方便失明人士撳錢

對於視障人士來講,去提款機撳錢唔係一件易事。滙豐噚日宣布推出語音導航自動櫃員機,視障人士只要將耳機接駁到櫃員機,就可透過廣東話或英語導航去提款、轉帳、查詢結餘及更改提款卡密碼等,咁就唔怕撳錯錢啦!

為咗方便視障人士辨認各種功能位置,滙豐喺櫃員機的入卡處、鈔票出口及通知書出口,都安裝咗觸覺指示標記。聽滙豐零售銀行及財富管理業務高級網絡營運經理蕭偉明透露,佢哋推出前已徵詢香港失明人協進會等團體的意見,仲請佢哋試用。依家暫時有兩部語音導航櫃員機喺沙田及九龍塘港鐵站,年底前會喺港、九、新界增加至20部。

撰文: 黛安 消息特靈八卦公關
欄名: 八卦名利場