網上工展會 33折買麵包機

有冇試過行工展會買咗30包公仔麵，再抬番屋企嘅滋味？唔想咁？今年廠商會特別推出全新「網上工展會」，市民登入網站就可隨時購物，咁就毋須山長水遠抬走戰利品啦。

廠商會副會長戴澤良同黛安講，現時有超過50間廠商參與，大部分係香港品牌，大大話話都有逾千件產品，包括位元堂、德國寶、海馬，香港、台灣和澳門市民可在網上即時付款，選擇自取或速遞取貨。

佢仲提醒各位精明消費者，唔好錯過即日至10月27日推出嘅「限時搶購」優惠，例如多功能麵包機，會以33折、即498元開售；原價600元的南北行金蟲草、螺片13個裝湯包福袋，則以近4折、248元出售，真係抵到爛！但留意，由11月開始每月第一個星期四，都會更新優惠，產品將低於半價或七折發售。