尾場騷又講情事 欣宜期待新戀情

欣宜《女神有問題演唱會2016》前晚舉行尾場騷，她在一連兩場的演出都相當落力，又打觔斗又飛bra，觀眾更看得十分投入，難怪欣宜也表明好唔捨得。

欣宜日前在台上曾經提及有個「跪地求他唔好走的男友」，令大家充滿好奇。前晚她接受訪問時，親口澄清所講的不是前度外籍男友Mark Ryan，但就拒絕透露對方身份，她說：「其實首歌已經講到好白，不過我依家冇事喇，預備迎接下一段感情。」講到爸爸秋官聽到好心痛，欣宜就話：「唔緊要，我覺得做大人就係要經歷好多唔同嘅嘢！唔怕㗎，我下一段關係要佢跪喺度求我唔好走！」當再問到會否是前男友Silas Lee，她就沒有回答。

同許廷鏗對親家？

前晚許廷鏗和張敬軒擔任嘉賓，在許廷鏗上台時，欣宜笑稱他們是新組合「異父異母低能巨孖寶」，還各自擺出騎呢甫士引人發笑。欣宜憶述許廷鏗三年前開騷時，祝福她同樣擁有自己的舞台，結果願望終於達成，令欣宜激動得哽咽起來。在唱最尾一首歌《擁抱愛》時她又喊，整晚足足又喊了九次。事後問到欣宜是否想打破頭場喊九次的紀錄？

她說：「唔係呀，係因為軒仔台上番說話，因為好驚佢嚟唔到，我哋改咗期，加上今日佢又有嘢做，佢特登cancel來撑我，所以真係好感激！」

欣宜還透露，當晚完騷後返入後台，許廷鏗的父母亦有到場，剛巧秋官亦在場，於是兩家人一齊影了一張恍如對親家的合照。對於兩場騷圓滿結束，她高興表示：「今日觀眾的反應超好，黐綫㗎！最尾開咗燈原來真係好靚，好似銀河系，有好多星星，我真係好大鄉里。」

撰文：Pauline

編輯：林梓添

設計：招潤洪