港青技驚四座 贏日本鋼琴賽

都話香港年輕人多才多藝啦，又揚威海外啦！有班非鋼琴科班出身的年輕人今年5月去咗日本，挑戰數百名來自日本、台灣等地的鋼琴手，更贏咗5個獎項，聽帶團嘅香港青少年表演藝術交流發展協會主席李穎琴講，今次係香港首次參加「日本濱松PIARA鋼琴大賽香港區選拔賽」，估唔到技驚四座。

為咗鋼琴，佢哋可以去到幾盡？李穎琴笑話，賽前因為練琴房唔夠，惟有請做旅行社的朋友幫忙，安排當地有鋼琴的酒吧，喺未開舖之前比佢哋練習。另外，因為不諳日語，「雖然有個普通話繙譯員，但唔係成日喺我哋身邊，每次叫名都唔識聽，好驚唔知道要輪到自己出場比賽。」佢又話今次經歷好難忘，希望將來會有更多國際性比賽，畀年輕人開闊視野。