麥記媽咪會10周年 送鬆馳熊墊迎新

唔經唔覺出年已經係麥當勞媽咪會成立10周年，最近有姊妹提起係時候續會，嚟緊呢年除咗仍然有唔少超筍優惠，迎新禮物仲好吸引，係cute爆嘅鬆馳熊萬用墊！除此之外，入會仲有埋Double魚柳飽、蘋果批及大汽水等一系列迎新禮品，生日仲會有McCafe中杯Cappuccino，平時亦都繼續有每月會員優惠，同埋有機會參與麥當勞嘅驚喜events，例如新產品試食及親子活動等。

麥記嘅姊妹話，今個星期五（28號）開始就可以喺指定嘅麥當勞餐廳申請媽咪會2017年會籍，如果係2016年會員續會，仲可以拎埋「續會尊享禮遇」，即係大杯橙汁。上網登記入會亦都得，仲可享受埋「特別禮遇」，送多張豬柳漢堡禮遇券。