《老表3》主角大執位 蔡少芬唔怕執二攤

王祖藍的「老表」系列終於開拍第三輯《老表，畢業喇！》，可惜未能原班人馬上陣。不過，都有蔡少芬、鄭欣宜及林欣彤等新面孔撑場，他們更不介意「執二攤」，反而有信心收視及口碑能持續上兩輯的佳績。

《老表3》是郭晉安和蔡少芬（Ada）繼《創世紀》後再合作，重返TVB拍劇的Ada坦言感覺好親切，更自嘲是「新人」。雖然事隔十幾年才再合作，但是安仔和Ada依然有默契，Ada更謂平日經常聯絡安仔太太區倩怡傾孩子的學校問題。

之前兩輯《老表》均有不俗成績，Ada直言沒有收視壓力，總之大家合作得開心就夠了。「其實故事背景同之前兩集都唔一樣，又唔係翻拍同一個故事，根本無得比較。」Ada反而擔心少了時間陪兩個囡囡，她苦笑謂：「作為父母，對子女真係全部付出晒畀佢哋，惟有唔使開工時間，盡量陪佢哋多啲啦。」

胡楓放開懷抱復工

剛經歷喪妻之痛的胡楓（修哥），昨日正式復工，修哥面上終於回復笑容。「冇做嘢幾個月，仔女見我成日唔出街都好擔心，驚我患上憂（抑）鬱症，所以成日想推我出街，始終呢幾個月陪住太太，依家全部嘢搞好晒，仔女同孫都飛返外國，又輪到契仔契女嚟陪我，個個對我都好好。」

修哥感觸表示，以往幾十年經常勸人要面對現實，擴闊生活圈子，現在他會勸自己放開懷抱，他不諱言對亡妻仍有思念，但思念還思念，始終仍要振作，他帶笑表示：「以後我會搵多啲嘢畀自己做。」

採訪：Pauline

編輯：林梓添

設計：梁政敏