祖藍自編自演壓力爆煲

王祖藍昨日談到有份編劇的《老表》系列拍到第三輯，不過壓力依然很大，他笑說：「上次經過好多風波，今次張繼聰要（陪老婆）生仔，王菀之要開演唱會，嗰班人有毛有翼啦，所以臨時搵咗欣宜同林欣彤。今次劇本出得有啲急，對我嚟講好大壓力。」問到王菀之會否客串幾集？祖藍裝作不屑表示：「睇下之姐心情啦，之姐突然間又話呢排演唱會好忙，突然又問我係咪可以客串，我問番佢想點呀，本來仲有問張敬軒，不過佢哋一齊開演唱會，留返拍《老表4》囉。」

同劇的岑麗香（香香）就扮演為錢而做代母的大肚女神，問她現實中會否考慮做代母？香香笑謂：「現實中要諗諗，劇中講我需要錢，所以接咗呢個job。」