【聲明】港生活網站並無進行電話推廣活動

結合商科思維 社交平台賣蹺 90後幫社企賺$10萬

發佈時間: 2016/11/02

今時今日做宣傳再唔能夠只靠hard sell,尤其進入social media的世代,想引人注意最緊要有腦有創意。好似讀商科出身的90後郭諾詩(Kemely)和麥家儀(Kaylie),早排參與花旗集團同社聯的「大學生社責實踐計劃」,利用商科知識加社交媒體的影響力幫社企宣傳,趁中秋賣出600盒月餅,賺得10萬元收入,仲成功在計劃中突圍,贏得超凡卓越大獎!

拍片講故仔 打動blogger

黛安記得呢個計劃已經係第6年舉辦,今年有67名商科生參與實習,將書本裏的知識運用到現實中,幫助一眾NGO同社企做宣傳、市場調查等,提升知名度。Kaylie就趁中秋節,幫「共廚家作」一班家庭主婦拍片,宣揚天然無添加的月餅,又喺facebook分享背後故事,用誠意打動instagram blogger免費宣傳,結果打響名堂。

Kemely就幫手諗蹺,先舉辦廚神比賽,再由兩位「師奶廚神」在東涌經營深夜食堂,試業當日有近40位街坊捧場,反應熱烈。

Kemely仲同黛安分享,過程中獲益良多,接觸到好多唔同階層的人,聽大家分享人生經歷,學到好多書本以外知識,仲話本來打算畢業後入大公司打工,依家轉軚服務社企幫人。真係好有heart!

撰文: 黛安 消息特靈八卦公關
欄名: 八卦名利場