【聲明】港生活網站並無進行電話推廣活動

奧海城開班授徒 玩雜技無難度

發佈時間: 2016/11/02

去馬戲團睇雜技表演就試得多,有無諗過自己都可以成為馬戲團的一分子?奧海城就趁住電影《荒失失奇兵》將係聖誕上映,將會喺商場設置聖誕雜技團。今個月21號開始,仲會率先舉辦優先「操fit場」,只要消費電子貨幣滿$1,000或用100個Olympian Kids會員積分,就可「拜師」學跳火圈、飛刀、疊羅漢等雜技團必殺技,26號起仲可玩埋全港首個6米高的超級跳彈床,扮空中飛人耍帥無難度。留意,參加者雖然無年齡限制,身高必須最少有90厘米,亦唔可以重過75公斤。

商場之後仲會搞比賽,畀巿民即席表演雜技、花式或魔術,爭取「馬戲王」寶座。勝出者可以贏到3萬蚊現金獎,開心過聖誕!

撰文: 黛安 消息特靈八卦公關
欄名: 八卦名利場