當年拍拖鍾意逛街 祖兒自爆好易𠱁

容祖兒前晚錄影遊戲節目《我愛香港》，自爆錄影前不停追看前幾集做定功課，更特別以運動裝現身，她又不介意自己戀情被拿來開玩笑。

代表灣仔區上陣的祖兒表示，早於18歲時已在該區「蒲」，「我公司喺嗰區，所以成日在軒尼詩道出現，嗰度附近有卡拉OK，我成日去練歌。」祖兒在估詞語環節中慘被擺上枱，事緣她戴上耳筒估洪卓立口中所說的字句，曾志偉已畀定「貼士」祖兒：「最簡單係呢句，你只要講出心聲就得。」原來志偉要祖兒估「師父師叔師兄，我鍾意師兄多啲囉」，明顯將她與「師兄」劉浩龍的戀情擺上枱，祖兒邊估邊做動作相當投入，而且很快就估中。事後問她會否介意戀情被擺上枱？她笑謂：「黐綫啦！冇乜新意囉！」

郭晉安愛掃街

問到初戀是否在灣仔發生？她表示：「細個冇乜娛樂節目，行街就係最大娛樂，我可以由深水埗行去尖沙咀，再搭船過中環繼續逛，所以同我拍拖好易。（依家拍拖會唔會咁樣行街？）少好多，喺外地就會。」

王於代表觀塘區出戰的郭晉安，則表示從前喜歡到裕民坊閒逛，尤其該處附近巴士站有不少車仔熟食檔，每次「掃街」就最興奮。台慶劇《致命復活》即將播映，問他有否信心拎視帝？安仔說:「這個不要說了，我希望大家嘅焦點放喺套劇上面。」

撰文：Pauline

編輯：林梓添

設計：K