胡杏兒：有咗一定講

胡杏兒與李乘德（Phil）結婚快將一周年，近日有傳杏兒成功懷孕，好姊妹胡定欣更暗示她有喜，昨日杏兒出席活動時即被連聲恭喜，令她摸不着頭腦，結果她得悉事由後，就趁機澄清未有好消息公布。

黎芷珊創立的眼鏡品牌Luisa Leitao昨日在會展設攤位，不少圈中好友到賀，連舊愛張達倫也有出席。不過，在眾嘉賓中，胡杏兒的現身成為焦點，事關近日有傳她懷有身孕，杏兒聞言後笑言：「有咗一定同大家講，其實依家暫時唔會住（懷孕），因為有劇要拍，最快拍到出年年頭先完，哎呀！你哋講到我都心急埋，有就好，可以喺屋企做女皇，有人斟茶遞水畀我。」

那她和老公是否有計劃造人？杏兒笑言見到身邊許多朋友都做了爸爸媽媽，坦言令自己有少許壓力，畢竟懷孕不是想就立刻有，問到會唔會搵生仔秘方？杏兒說：「我已經盡量唔飲凍嘢，不過就冇特別進補，費事畀人誤會我有咗就好尷尬。」她說會向鍾嘉欣和陳敏之取經。

黎芷珊贊助張達倫一世

張達倫和芷珊曾拍拖九年，四年前和平分手，前日張達倫舉行婚宴，芷珊因為忙於打理攤位事宜而無法出席。不過，張達倫昨日現身時，芷珊立刻送上祝福，還說稍後會補請他和太太食飯，又豪言一世贊助張達倫戴眼鏡。

撰文：Pauline

編輯：林梓添

設計：李明