黛安
黛安

十大成功女性典範 徐子淇登榜首

發佈時間: 2016/11/15

十大成功女性典範 徐子淇登榜首

你覺得一個成個女性有咩條件?有老公錫?有份好工?抑或有機會去追逐夢想?呢個問題問100個女人,100個都有唔同答案。最近屯門市廣場做咗個做有趣調查,用問卷訪問873人,原來港女心目中最成功可以「夢想成真」的女性,包括千億新抱徐子淇、劍橋公爵夫人凱蒂、同剛落選美國總統的希拉里,運動員李慧詩同埋吳安儀上榜。

人稱「Cue后」嘅桌球好手吳安儀同黛安講,其實細個都無乜夢想,不過學識桌球之後成個人生目標都清晰晒,直頭好似「睡公主」咁被人叫醒,激發晒內在潛能,見到困難都迎難而上,捉緊夢想。所以話唔放棄,定有出頭天﹗

事業重要性低 排尾三

講番個調查,原來港女都認同追夢好難,6成幾人覺得「男主外、女主內」觀念仲好普遍,過半數人覺得女人喺職場難成功過男人,最多人將愛情、財富同生仔放係最重要嘅頭3位,事業排尾三咋。

香港婦女中心協會總幹事廖珮珊話,主流社會對兩性有唔同期望,女人追夢真係唔容易,所以唔少人揀愛情及家庭行先。佢就勸各位姐妹唔好將自己「標籤」,設下關卡限制自己呀。

撰文: 黛安 消息特靈八卦公關
欄名: 八卦名利場