【聲明】港生活網站並無進行電話推廣活動

麥當勞$10蚊優惠 載譽重臨

發佈時間: 2017/01/03

2017年新開始,黛安為大家送上第一個好消息呀!麥當勞繼去年初同暑假,推出過10蚊豬柳漢堡買一送一等優惠後,今日起優惠載譽歸來,推出「開心$10 PRISE你」大驚喜!今次麥當勞好有心思,優惠換上新的配搭,好似今日(3日)咁,指定分店喺上午11時後,只要畀10蚊就有9件麥樂雞!

噚日麥當勞公關老友提醒,優惠會陸續有來,聽日(4日)係10蚊兩個漢堡包,後日(5日)嘅分量會再加碼,食到兩件脆香雞翼同1杯細汽水,真係大滿足!至於嚟緊幾日的優惠,佢就話要賣個關子,叫大家留意電視廣告或fb專頁。

不過,噚日喺社交網站已流傳嚟緊仲會有唔同優惠,包括有雙牛芝堡、粟米批、新地蘋果脆、檸蜜雞翼同豬柳漢堡呀,驚喜款式日日新鮮,麥當勞粉絲們不容錯過!

撰文: 黛安 消息特靈八卦公關
欄名: 八卦名利場