【聲明】港生活網站並無進行電話推廣活動

行草地兼賞山系攝影魅力

發佈時間: 2017/01/04

山野魅力,眼見未必為實,有圖才有真相﹗80後山系攝影師KLAS.N呢排就搞緊個攝影展,唔止影出夜媽媽露營時的魅力,仲特登喺戶外草地搞展覽添,開創全港先河!最大的作品幅面有成3米咁大,視覺上夠晒衝擊力。

KLAS.N就話,自己一向好鍾意大自然,露營嗰時有更多時間同自然環境相處,尤其夜晚寧靜的山野令人精神更易集中,漆黑的環境可令人思緒更沉澱,影出嚟的相特別有風味。

講番個展覽,嚟緊星期五(6日)到8日會喺元朗錦田大江埔活機園有機農場CASA LOHAS裏面舉行,完全免費,朝早10點到5點去,啱晒山系男女睇完再係附近影夜相啦﹗

撰文: 黛安 消息特靈八卦公關
欄名: 八卦名利場