唱畢23場紅館騷 學友轉攻內地冇得停

「歌神」張學友舉行23場《A Classic Tour學友．經典世界巡迴演唱會》香港站，前晚圓滿落幕，在紅館與歌迷共度大半個月，學友坦言對這個舞台依依不捨，特別是「山頂嘅朋友你哋好！」他笑言這句話只有香港觀眾才有反應。

張學友在尾場唱到11時45分才完場，令一眾歌迷大感滿足，捧場嘉賓有楊千嬅、林嘉欣、舒淇及梁詠琪等。學友在台上表示：「好唔捨得，所以唱爛喉嚨都會唱。」他自爆最初揀選了60多首歌，笑言如果唱晒就唱到翌日朝早，但要交場給周杰倫了。

婉拒與王菲比較

完騷後，學友表示：「這次演唱會不像以往般辛苦，而且滿足感很大。」他自爆不能休息太久，因為稍後要到佛山開騷，暫時未知內地巡唱有幾多場。問他日後會否再開演唱會？學友稱四面台較吃力，他表示：「所以今次同自己講要做到最好，人係會衰退，體力會減，兩年後完咗巡迴都57歲，等多五年再開都已經年過60，到時大家見到我跳，都唔想我咁辛苦啦。」

學友說太太羅美薇睇了兩場，囡囡睇了三場，他續稱：「我同囡囡講要多啲時間陪父母，唔好激佢哋。」此外，有網民將王菲同學友比較，指王菲走音，學友即為天后平反：「咁比較唔係太公平，佢唱得一場，得就得，冇得操，我有咁多場就可以調整。」

撰文：Pauline

編輯：陳禮恒

設計：梁政敏