LEGO賀年雞 坐車出巡兼拜年

LEGO？我細細個就開始砌啦﹗適逢雞年將至，噚日LEGO就特登派咗成一米高的智能說話樂高賀年雞嚟《晴報》拜個早年，佢唔單止造型可愛識行識走，仲話見到編輯部成班靚女「起晒雞皮」，夠晒口甜舌滑。

公關姐妹同黛安講，因為「賀年雞」色彩豐富，用咗19,700粒LEGO，同兩三晚通宵先砌好，加上因要活動自如，唔可以太重，有啲部分要轉為空心，夠晒考功夫。嚟緊賀年雞仲會坐車出巡港九新界同巿民拜年，大家周六（7日）起可去尖沙咀同銅鑼灣碰下運氣。

想將「賀年雞」據為己有？都得！即日起至本月31日去樂高指定分銷商買夠$880 LEGO，就可以換到一套限量樂高賀年雞套裝了。如果喺玩具反斗城買，仲額外有張刮刮卡，刮中可以攞到全港限量50隻的25cm高巨型樂高賀年雞，大人細路都爭住搶啦！