參演ViuTV新劇 秋生唔怕得罪無綫

ViuTV宣布開拍新劇《瑪嘉烈與大衞系列：前度》，上一輯的林保怡疑被「飛」出局，昨日發布會上，舊班底僅餘廖碧兒一個，新加入則有黃秋生及許志安等，兩人皆表示沒有計算酬勞，總之劇本啱就答應演出。

黃秋生前年在無綫重頭劇《梟雄》孭飛，如今再度拍劇，卻是「倒轉槍頭」為ViuTV開工。問他可會擔心無綫不高興？秋生即反問︰「會嘅咩？我唔知喎！咁我無嘢做，咪搵啲嘢做下囉。」他與夏文汐在30年前曾合演電影《花街時代》，今次再度飾演情侶，秋生大讚這位老拍檔靚咗，現時更有吸引力。

目前長居上海的夏文汐，返港拍劇跟秋生重逢，她笑言︰「以前佢係o靚仔，依家就man好多。」講到酬金，秋生戲言︰「夠入油囉。」他解釋佔戲不多，預計農曆新年前拍完，新春期間將到新加坡演出音樂劇《仲夏夜之夢》。

安仔十年冇拍劇

許志安對上一套劇已是十年前的《肥田囍事》，問他今次酬金是否吸引？安仔稱︰「講咩錢呀！（開台一年咋喎！）講感情嘅。同金廣誠關係好好，之前睇過佢啲劇，質素好而且有保證。」至於可有親熱戲？安仔笑言暫時知道只是蜻蜓點水式。

採訪︰Pauline

編輯：陳禮恒

設計：梁政敏