薛凱琪 五癆七傷頻進補

忙個不停的薛凱琪（Fiona）一直恃住年輕，沒有好好保養身體，結果捱到五癆七傷，才學懂要愛惜自己，更決定改掉以往的壞習慣。

薛凱琪昨日出席護膚品牌活動，早前為該品牌拍廣告，發覺面對大自然工作，可以讓人很放鬆，她謂：「以前唔識得注意健康，成日將啲唔健康嘅食物放入口，最鍾意食杯麵同零食，我想講可以出事嘅器官都已經出咗事，好似耳仔會突然聽唔到嘢，又有雜音，甚至膝頭都有傷患，跑步唔可以跑得太密。（係咪五癆七傷？）係呀，所以我會飲好多紅棗水，又會學識食花膠進補。」

遺憾冇上台領獎

此外，Fiona前晚獲《十大中文金曲》頒發十優歌手獎，缺席的她昨日解釋：「一早應承咗工作，無辦法，當我知道得獎時都尖叫咗出嚟，一半係興奮，一半係憤怒，嬲自己出席唔到。」

採訪：Pauline

攝影：林良明

編輯：陳禮恒

設計：梁政敏