鄭嘉穎不排除閃婚

鄭嘉穎前晚為十大中文金曲擔任頒獎嘉賓，他透露參演的5D音樂劇《風雲》已開始進行單獨綵排，預計三月就可以與謝天華、譚耀文夾稿，他有信心一個月內能夠演出。他笑言自己不像謝天華如舞王般跳得自如，所以會加緊排練，希望正式演出時可以將5D感覺帶給大家。

問到女友陳凱琳（Grace）屆時可會捧場？嘉穎說︰「梗係會啦！我阿媽都會嚟。至於Grace睇幾多場就要視乎是否要開工。」那女友會否送上愛心靚湯？嘉穎表示女友焗蛋糕比較叻，問到可會自己整結婚蛋糕及禮餅？他笑言不會自己動手做禮餅了。至於今年可會成家立室？他笑說︰「今日講《風雲》，真係無可奉告。暫時工作先啦，不過意外就好難講，即係到時你咪知。（已求婚？）未有咁快。」