黛安
黛安

神奇小子拳擊Iron Man?!

發佈時間: 2017/01/12

神奇小子拳擊Iron Man?!

世界拳擊No.1曹星如與「Iron Man」Eric Kwok(郭偉亮)大打出手?原來係太興最新的「My Hero」宣傳廣告!除咗代言人Eric Kwok外,今次加入新血,就係剛榮升世界拳擊第一的「神奇小子」曹星如(Rex)。廣告中Rex演繹現實生活中的自己,提到「過程中有挫折、有迷失、有傷痕,每一場都是硬仗」,總結自己出道至今的拼搏同堅持。

太興公關姊妹透露,Rex今次係「處男下海」第一次喺鏡頭面前跳街舞,Rex笑言:「跳街舞係我全新嘗試,『第一次』就咁獻畀太興!」精采的廣告當然唔止咁少內容啦,黛安就率先睇咗廣告,鬼馬的Eric甫出鏡,就被Rex一拳打過來,Eric講笑話:「為咗那一拳,我特別閉關苦練面部肌肉,去硬食那一拳。」認真風趣。

獻出街舞第一次

大家平日見到Rex都係擂台上刻苦拼搏的一面,但擂台下的他,原來斯斯文文,滿臉稚氣,廣告內他更發揮搞笑本色,大跳街舞之餘,仲同Eric等一大班朋友開Party,以手勢傳達「心心」的友情,為宣傳片增添不少樂趣同驚喜。

撰文: 黛安 消息特靈八卦公關
欄名: 八卦名利場