【聲明】港生活網站並無進行電話推廣活動

呂志和孫女 澳門開文青咖啡館

發佈時間: 2017/01/12

一講去澳門玩,多好人都諗起入賭場發新年財。但其實澳門都有好多文青蒲點,除咗澳門歷史城區呢啲世界文化遺產,黛安最近收到風「澳門銀河」時尚匯購物中心都開咗間品味生活咖啡館Cha Bei,除咗文青必備的咖啡,館內仲提供用有機蔬菜整的沙律,仲有秘製燴雞肉丸地中海小米,甜品唔少得奇亞籽伯爵焦糖布丁呢啲健康之選,打卡之餘,口腹之慾都勁滿足㗎。

原來Cha Bei創辦人呂嘉瑩系出名門,係銀河娛樂集團主席呂志和的孫女,難怪間舖份外有品味。呂嘉瑩仲話,成立Cha Bei是一直以來的夢想:「Cha Bei將我對文化、設計和茗茶的熱愛,注入咗一個可讓大家分享故事和美好回憶的地方。」

除咗品味美食,店內仲有精品店畀客人買,由自家製果醬、朱古力,到太陽眼鏡、家品同時裝都有。配合埋成間舖頭的歐洲風裝修,仲有從世界各地跳蚤巿場搜羅的茶杯,真係心情同相都一樣咁靚。

撰文: 黛安 消息特靈八卦公關
欄名: 八卦名利場