放棄賺人仔 陳慧琳唔見幾層樓

陳慧琳（Kelly）近年除了開演唱會外，鮮有公開亮相，就算內地真人騷以天價邀請她擔任評判也毫不考慮推掉，她直言電視台開價令人「嘩！嘩！」聲，但她都不為所動，主要原因是為湊一對寶貝仔，要是離開兩個仔的工作，她都幾乎推辭。

Kelly昨日出席「金至尊」發布會，已是第15年出任代言人的Kelly形容該品牌猶如家人，見證着她人生每一個重要階段。昨日Kelly抱恙出席，但仍笑言要盡快睇醫生，事關農曆年將至，她要吃到夠︰「同屋企人去食buffet，乜都唔食得好唔抵。」

不懂做魔鬼評判

提到不少香港藝人都返內地拍真人騷，Kelly耍手表示一定不會參加，她說︰「畀人鬧到咁，而且無人睇個仔做功課唔得㗎。」她承認確曾有節目邀請她擔任評判，但是她一口推辭，因為該節目搞笑為主，她自問沒有周星馳和許冠文的口才，又不懂狠狠地鬧參賽者，完全做不到魔鬼評判。問到酬金是否可觀？她瞪大眼謂︰「都推咗幾層樓㗎，因為逐集計酬金，連鍾珍（經理人）都問我係咪真係唔做，不過以我所知該節目最後都泡湯。」

問她可有留意近日陳展鵬在《勁歌》總選上咪嘴演繹得獎歌曲，Kelly想一想後說︰「如果唔舒服都明白嘅，（佢解釋因為本身係演員。）哦！咁講又好明白，大家都唔好咁挑剔啦，其實我哋呢啲師奶乜都唔清楚，年輕人先知係咩事。」

拎金針獎前要練歌

對於李克勤呼籲同輩歌手明年「重返」頒獎禮，Kelly笑言自己就不會了，她說︰「畀啲機會新人啦，等我唔使為着咩衫頭痛嘛。（你係咪等金針獎先出席頒獎禮？）四大天王都未攞，畀廿年我，要練歌先。」

採訪︰Pauline

編輯︰林梓添

設計︰梁政敏