黛安
黛安

鄧達智手稿 視覺藝術中心首展

發佈時間: 2017/01/13

鄧達智手稿 視覺藝術中心首展

想一次過欣賞9位來自香港和內地,生於不同年代及背景的藝術家作品?依家有機會喇!香港視覺藝術中心由即日起至下周一(16日)舉行「Gentlemen's Bearing」藝術展,著名時裝設計師鄧達智(William)、攝影師鄧鉅榮及郭遠堅,以及本地藝術家陳本立、駱子斌、姚志良、內地藝術家吳以強、鄭宏祥及鍾照,會以獨有人生經驗同視角,透過油畫、素描、攝影同裝置藝術作品,首次於同一個時空下呈現與眾不同的藝術格局,碰出不一樣的火花。

噚日同William傾開,原來今次係佢第一次手稿作品展覽,「以前實體作品展覽有唔少,今次首次有手稿展,好似將自己還原咁,諗番創作初衷。」

佢提到喺眾多作品中,最特別一幅係以黑色紙及炭筆繪畫、剛剛於上星期完成嘅作品,係一件男裝大風褸,而當中嘅模特兒正正就係佢本人呀!黛安都要趁周末有時間去欣賞先。

撰文: 黛安 消息特靈八卦公關
欄名: 八卦名利場