傅嘉莉爆豹哥教拍床戲

陳展鵬及傅嘉莉等昨日宣傳新劇《乘勝狙擊》，透視裝上陣的傅嘉莉自言在劇中與陳山聰演床上戲，幸得單立文（豹哥）教路，最後才能輕鬆拍完。

傅嘉莉在劇中飾演豹哥女兒，提到拍攝床戲時笑說︰「豹哥見到我好擔心，就教我放鬆啲，拍得放啲，一次過拍晒。（豹哥幫手排戲？）唔敢！不過後來真係拍攝時，我拍得好輕鬆，反而山聰拍到喘晒氣，口唇都白晒，原來男仔拍床戲係難啲，要遷就鏡頭，又要小心唔好掂到敏感部位。」

首次任女主角的林夏薇，劇中有不少激情戲，問她會否禁止老公欣賞？她笑說︰「我會逼佢睇，佢話我好變態！之前我都試過逼佢睇接吻戲，我話佢梗係要睇我嘅戲，只係做嘢啫！」

展鵬約定欣喺TVB慶生

將於明天生日的陳展鵬，表示會與粉絲聚會慶祝，問到緋聞女友胡定欣可有約會他？他說︰「我要拍《天命》，喺TVB等啦！見到就見。」

撰文︰李潔盈

編輯︰林梓添

設計︰招潤洪