娜姐遊挪威冇艷遇

鄭丹瑞（阿旦）、周秀娜和鄧月平前晚出席賀歲片《小男人週記3之吾家有喜》宣傳活動，即將踏入雞年，娜姐笑言要去舊迎新，但對感情方面就直認只愛食「唐餐」。

周秀娜早前到挪威旅行，幸運地看到北極光，問她此行可有艷遇？娜姐笑言︰「我本身諗住會有一段浪漫艷遇，食下『外國菜』，但食唔到，反而在倒數嗰日我幫朋友影相，有個識講國語嘅人話想結識我，佢好尷尬咁等咗我好耐，我有望一望佢，之後就畀朋友拉走，無下文啦。（你接受同外國人拍拖？）我鍾意食『唐餐』多啲。」

他們前晚到唱片店擔任臨時店長，阿旦解釋謂︰「人哋買嘢，我哋就送戲飛，呢集有當代女神（娜姐）同未來女神（鄧月平）加入，所以叫愛舊迎新。」現實中娜姐何時才送舊迎新？她笑說︰「送咗舊好耐啦。」阿旦連忙為她解圍︰「我咪佢嘅新，你唔捨得掉走我嘅。」

阿旦被迫封嘴

日前因牙骱發炎引致面腫的阿旦，前晚見他情況好轉，不過為了宣傳電影而導致聲沙，阿旦感到不好意思，他說做了十幾個訪問，終於被醫生警告要封嘴一星期，或是要慢慢說話。

至於有「巨胸翠如」之稱的鄧月平，自爆有一場戲跟娜姐一齊去揀胸圍，她表示︰「從來無人教過我揀胸圍，娜姐當日順便教我，學到唔少知識。（趁機𥄫娜姐身材？）唔使偷𥄫，係明𥄫，娜姐一出嚟我就嘩一聲！」

撰文︰Pauline

編輯：陳禮恒

設計：梁政敏