黛安
黛安

搭國泰港龍有口福 3萬呎高空食煲仔飯

發佈時間: 2017/01/17

搭國泰港龍有口福 3萬呎高空食煲仔飯

有冇試過在高空三萬呎食煲仔飯?黛安試過,因為國泰港龍航空由2008年起,都定期推出熱騰騰的港式煲仔飯,試過的朋友都大讚好食,而最新一系列的煲仔飯載譽歸來,即日起又有得試喇!

國泰港龍餐務部主管卡斯頓噚日話,會喺不同時節推出時令空中美饌。正值冬季,為保持乘客嘅新鮮感,佢又更新咗餐牌推出12款特色煲仔飯,喺香港飛往北京及上海指定航班輪流供應,商務客艙乘客可由即日起至下月底品嘗,而頭等客艙乘客亦可享用到3月底。

頭等客艙乘客可試以到澳洲牛臉肉蟲草花臘腸煲仔飯、黑松露鵝肝雞油菌牛柳粒煲仔飯、黑蒜雞油菌三色蒜虎蝦鱈魚煲仔飯,商務客艙乘客都可以試到龍躉帶子蝦球煲仔飯、貴州香辣竹笙雞球花枝片煲仔飯等,款款都咁有特色,真係想一次過試晒呀。

除咗煲仔飯,由即日至2月15日,國泰港龍於相同嘅航綫頭等客艙推出迷你南瓜盆菜,當中唔少得鮑魚、瑤柱、金蠔等美食,聽到黛安都垂涎三萬呎喇,心動不如行動,即刻飛番轉試下喇!

撰文: 黛安 消息特靈八卦公關
欄名: 八卦名利場