網絡紅人做導遊 拍6短片 《晴報》教你玩轉新加坡

農曆新年就到，大家諗好去邊度歲未呀？不如近近地去轉新加坡啦，唔知有咩玩？唔緊要，《晴報》最近為新加坡旅遊局花盡心思，精心製作咗6條宣傳短片，介紹最新最潮最地道嘅食玩買旅遊資訊，仲請嚟網絡紅人小花譚杏藍（Hana）同新加坡地膽孫文海（Kelvin），以請一日假加上周末兩天去一轉新加坡為大前提，教大家點享受3日3夜精采難忘之旅。

米芝蓮食肆 擦餐勁

6條短片會分6個單元去介紹當今潮爆嘅新加坡，包括品味咖啡、挑戰小村落烏敏島、歎盡米芝蓮、狂掃潮貨、食平DD同埋喜愛夜蒲。

第1集已經係今個月6號出咗街喇，反應非常好，好多朋友都大叫encore，所以第2至第4集亦緊隨播出，嚟緊星期五（20日）將會播出第5集，兩位潮人將會chok住介紹米芝蓮平民食肆大華餐室，入面最出名嘅大華肉脞麵，仲會大爆當地人會以紙巾霸位，想知有咩貼士就要密切留意喇！

黛安睇咗頭幾集，Hana同Kelvin真係好盞鬼，介紹潮物之餘，又大談有趣新加坡式英語Singlish，及當地習俗同生活小貼士，擦出唔少火花，令人耳目一新，相信絕對可以令大家極速了解同融入最新加坡嘅新加坡，記得唔好錯過呀。