【聲明】港生活網站並無進行電話推廣活動

幫正生學生補習 沈祖堯:食飯開始講英文

發佈時間: 2017/01/18

中大校長沈祖堯出名親民,唔少學生暱稱佢做「祖堯BB」,民望有幾高唔使多講。但呢位校長最遲明年退下火綫,佢最近接受馬會《駿步人生》訪問,話最擔心香港社會近年撕裂,「後生仔好多被批評係廢青,年輕人又覺得成年人係既得利益者,唔明佢哋住劏房、收入低嘅困難。」佢話好多人呻一代「不如」一代,但其實是一代「不同」一代,寄語香港要心平氣和溝通。

佢講番之前中大收咗幾個正生書院學生,原來校長背後都出咗唔少力。佢覺得應該畀機會改過嘅小朋友,但又唔可以破格收生,於是自發每個月撥一晚出來幫正生學生補英文,連囡囡都幫手,「正生學生要轉車轉船,通常要喺我屋企住一晚,由食飯開始要講英文。」校長最欣慰係見到佢哋由粒聲唔出,到有自信講,最後真係有人成功考入中大,「唔係全部係我補過嘅學生,都有自己考得好好嘅。」

撰文: 黛安 消息特靈八卦公關
欄名: 八卦名利場