新劇齊人飯聚 展鵬撇甩傳媒鬼祟現身

無綫新劇《乘勝狙擊》前晚首播，一眾演員拉大隊到女主角林夏薇（薇薇）的火鍋店邊睇電視邊飯局。受訪時，有指陳展鵬因為扭傷頸而缺席，但原來他當晚低調趕到，炮製驚喜。

林夏薇在灣仔開火鍋店，已成為圈中人飯堂，前晚她在食肆搞飯局，薇薇表示原本打算由她請客，但大家很有誠意一齊夾錢，她惟有決定包底。問到老公可會捧場追睇《乘勝狙擊》？薇薇笑言老公應該識自動自覺，無論如何也會支持她。由於大家都以為陳展鵬甩底，薇薇還替他向記者解圍，稱展鵬拍劇受傷才未能現身，希望他盡快康復。

拍劇扭傷膊頭

陳山聰和陳展鵬最近再於新劇《天命》合作，他估計展鵬拍動作戲前未做足熱身，結果扭傷膊頭，他謂︰「我見佢好似梗頸四咁，可能呢排唔夠瞓，啱啱先喺上海返港，佢睇咗醫生，情況應該有改善。」不過，趙希洛、林夏薇其後在IG上載大合照，竟發現受傷的展鵬坐在正中間，還笑住擺甫士影相，原來他最後趕及飯局，卻跟傳媒緣慳一面。

撰文︰Pauline

編輯：陳禮恒

設計：梁政敏