「我最喜愛商場」出爐啦！

講到行街，香港人就最在行，事關香港地處處都有商場，除咗商戶同食肆組合多元化，大時大節亦好有氣氛，好似臨近過年，商場紛紛換上新春布置、搞年宵畀市民辦年貨，買嘢之餘又可換購利市封等禮物，好多嘢玩，不得不佩服呢班商場marketers嘅諗頭！

為咗表揚本地傑出商場，《香港經濟日報》每年都會舉辦「我最喜愛商場選舉」，噚日剛舉行第五屆頒獎禮，黛安都有去湊熱鬧，仲見到旅發局主席岳少（林建岳）等嘉賓。是日大會頒發「全港10大我最喜愛商場」、「全港25大我最喜愛商場活動」、「最佳商場Facebook專頁」、「最佳商場應用程式」及「海外時尚玩樂之選」等獎項，獎項都係經由公眾投票同評審遴選，好有代表性。除咗頒獎，大會仲請咗香港市務學會主席凌羽一分享2017年最新營銷動向，同各位marketers互相交流學習，經續喺商場推陳出新，咁市民就至得益啦！

想睇番得獎名單，可瀏覽http://hk.ulifestyle.com.hk/html/campaign/sma2016重溫㗎！