【聲明】港生活網站並無進行電話推廣活動

智能家居科技 淋浴如廁一take過

發佈時間: 2017/01/20

每個人都好怕老,擔心會同時代脫節。黃金時代基金會就喺今個星期六、日,於會展舉辦「黃金時代展覽暨高峰會」,雲集來自東南亞、歐美等國家及城市,過千種為年長人士而設嘅產品,好似有智能家居用品、護理服務等等。所謂「家有一老,如有一寶」,心境年輕又使乜怕老喔!

學基金會創辦人容蔡美碧話,人口老化係全球面對嘅問題,世界人均壽命幾乎都超過80歲,有危亦有機,我哋要建設一個「智齡社會」,即係智慧生活、高齡福祉,改變不合時宜嘅觀念同設施。

展覽其中一個參展商Human Washer創辦人Samuel Hui及李家碩就引入咗一個全自動沐浴設備。佢話每年有1/3長者跌倒受傷,近8成喺浴室發生,呢套沐浴設備有沐浴和如廁雙用設計,方便失禁人士,亦設溫度調控系統同暖風機,防止水溫過熱,減低心臟病誘發機會。

撰文: 黛安 消息特靈八卦公關
欄名: 八卦名利場