捱十年終捱出頭 張頴康：老婆梗係開心

《一屋老友記》的「三寶」張頴康已效力無綫十年，繼早前在《TVB馬來西亞星光薈萃頒獎禮》勇奪飛躍進步男藝員獎，前晚再獲公司嘉許，他坦言要多謝老婆麥雅緻的多年支持。

前晚在尖沙咀舉行每年一度的《無綫長期服務暨傑出員工頒獎晚宴》，張頴康、李家鼎、薛家燕及鄧英敏等齊齊獲表揚。張頴康近日頻頻有獎攞，他表示：「捱咗十年好彩有機會（得獎），開心完都係要捱世界，分別係現在多咗人恭喜我，亦可以向外父、外母有個交代。」他更自爆老婆麥雅緻要求翻看大馬得獎片段，他續說：「老婆梗係開心，因為成段都係多謝佢，佢話我平時講嘢一嚿嚿，但上台講得咁順，問我係咪有練過？」

麥雅緻是否願意為他多添個孩子？他說：「未傾掂數，我想生，但計劃好啲先，第一次攞獎，前路係點冇人知。」至於工作方面，他表示等一部清裝劇等了半年，終於開拍有望，最近更接受了很多訪問。

家燕姐又「登基」

薛家燕加入無綫20年，她形容心情感動又感觸，她透露96年入無綫時生活條件差，先後遇上劇集《真情》及《皆大歡喜》，令她生活安穩。她認為這20年做了很多有意義的事，不枉咁多年的辛苦。

撰文：Pauline

編輯：陳禮恒

設計：招潤洪