鄧穎芝 紐約拜會偶像林書豪

鄧穎芝（Vangie）早前偕胞妹到紐約旅遊，兩人在當地盡情吃喝玩樂兼瘋狂購物，更有幸一睹籃球偶像林書豪的風采；而一直熱愛攝影的Vangie，更計劃明年到當地修讀短期的攝影課程，增值自己之餘，又可以增廣見聞。

Vangie上月孖妹妹前往紐約旅遊十天，雖然撞正美國大選，周圍都人頭湧湧，但她慶幸行程未有受到影響。除了到處遊覽和品嘗美食外，熱愛籃球的Vangie更花費170美元（約港幣$1,300）前往觀看紐約人主場對籃網的NBA比賽，一睹偶像林書豪的英姿，Vangie興奮表示：「人生第一次睇NBA，仲可以見到林書豪，不過佢受傷冇落場，只係坐喺球員席，我不停攞電話影佢，又同佢揮手，不過佢冇望我。」雖然只能遠距離眺望偶像，但已令Vangie開心不已。

兩篋去三篋返

之後Vangie與妹妹前往探望在當地讀書的前HotCha成員Crystal，她表示：「Crystal喺嗰邊讀演戲課程，本來我同佢一齊讀，但撞正我推出新歌要做宣傳，所以冇去到。不過我想讀攝影，因為我好鍾意影相，對影相、拍片同剪片都好有興趣，希望明年可以有機會完成呢個課程。」

旅行當然要嘗美食，Vangie在紐約常吃西餐，結果吃到厭，故有天專程到訪唐人街嘗四川菜，又到outlet購買名牌衫褲和手袋，絕對是滿載而歸，Vangie說：「我帶咗兩個篋去，但都要用埋妹妹個篋先裝得晒（戰利品）。」

專吼一折機票

除了這次紐約之行外，Vangie今年已到過多個地方旅行，包括峇里島、大阪及韓國等，打趣問她是否發咗達可以環遊世界？Vangie表示：「我有個做空姐的朋友，她可以替我買到一折機票，所以我哋成日孖住去旅行。我諗住趁後生去多啲唔同地方，擴闊眼界，其實好多地方都未去過，依家最想去挪威和芬蘭睇北極光，希望好快可以實現夢想。」

撰文：倪小珊

編輯：黃寶恩

設計：Simon