新地高層 齊心勇闖ICC

日日運動身體好，就算返辦公室，都唔代表無機會做運動。新地昨就舉辦咗第5屆公益垂直跑，成1,700名好手齊集全港最高的環球貿易廣場（ICC），跑足2,120級樓梯，真係少啲毅力都做唔到﹗新地執行董事兼副董事總經理黃植榮話，今年參加人數破晒記錄，連埋之前「勇闖上海IFC」活動，咁多屆已有成萬人參加過，籌到好多善款用來支持兒童同青少年服務！

今屆比賽最細個嘅跑手只得10歲咋，仲有唔少視障、聽障同截肢嘅朋友參賽。大會仲同智樂兒童遊樂協會合作，整咗好多遊戲同室內訓練單車Wattbike畀嚟打氣嘅親友踩，仲有漫畫家畫低跑手肖像畫，留低難忘回憶。