太古睇添布頓展覽 玩親子工作坊

鬼才導演添布頓（Tim Burton）嘅電影，相信大家同黛安一樣都睇唔少，但有乜正得過可以親歷其境、體驗大導演心中嘅魔幻世界呢？話說太古坊ArtisTree就搞咗個「添布頓異想世界」（香港站）巡迴展，聖誕前後學生或者一家大細入場仲有得平﹗平日每個大人帶1位12歲以下細路入場只收$180，周末收$220；學生哥周末入場都係收$144咋。

同埋大會喺今個月17日起一連兩星期搞工作坊，畀6至12歲小朋友同爸爸、媽媽一齊發揮創意。想再開心啲，仲可以參加埋紙餐巾繪畫比賽，喺小小餐巾上面畫出添布頓嘅世界，贏咗冠軍仲可以有添布頓異想世界裏面嘅人偶公仔送番畀你﹗中、小學生同大專生都可以報名，最啱為自己贏番份聖誕禮物啦。