【聲明】港生活網站並無進行電話推廣活動

推廣積分換機票 東亞許文森扮機師亮相

發佈時間: 2016/12/07

昨日黛安參加咗一個別開生面嘅lunch event,用膳嘅地方並非餐廳,而係上飛機食lunch!同行嘅仲有東亞銀行總經理兼個人銀行處主管許文森(Vincent),以及HK Express行政總裁安浩恩,Vincent仲精心打扮過、以機師造型亮相,好型仔。

點解兩位會一齊出現?事關佢哋最近合作搞信用卡積分換機票。聽佢哋介紹,用東亞銀行信用卡喺HK Express消費每1蚊港幣,就可以賺取10 reward-U積分,4萬積分起就可以乘搭HK Express航班去超過20個亞洲航點,包括大阪、東京同首爾,計劃不設出發日期同艙位級別限制。唔單止咁,信用卡客戶仲可以同親友組成reward-U小隊,靈活儲分。有多幾個人幫手,自然可更快兌換心頭好啦。

免費飲奶茶

黛安仲有貼士醒大家,就係即日至2017年2月28日登記BEA飛行里數獎賞,更可以賺取雙倍reward-U積分,所以依家申請寧舍抵。

一邊食飯一邊講着數,時間過得特別快,唔經唔覺好快就落機。原來我哋搭嘅A320客機噚日先正式投入服務。咦,咁我哋咪即係搭咗首航?架機個名仲好得意,叫做「奶茶」,由於係東亞銀行贊助命名,所以信用卡客戶喺推廣期內乘搭任何HK Express航班,都可以免費飲奶茶㗎。

撰文: 黛安 消息特靈八卦公關
欄名: 八卦名利場