秘婚周柏豪 拒透露蜜月安排

新婚不久的周柏豪，還未與太太Stephanie度蜜月，近日已重新投入工作。對於在泰國舉行婚禮做足保密工夫，但仍被狗仔隊成功偷拍，柏豪直言心裏有數，卻不肯講是否有「鬼」。提到生育，他直言喜歡B女，笑言生仔會把他放埋一邊。

周柏豪、鍾浠文（Zelia）昨日到柴灣為美鑽品牌拍攝特輯，柏豪化身攝影師，為Zelia及三隻貓咪影相，他表示：「本身養了六隻貓，但有幾隻離開咗，現時剩番一隻，我唔會再養，因為面對生離死別好心痛。」

運動絕不「揸流攤」

講到柏豪與拍拖十年的女友Stephanie在布吉完婚，他說新婚生活跟以前分別不大，亦沒有刻意提早收工回家陪太太。柏豪笑言：「我比較鍾意做嘢，唔做嘢會覺得空虛、寂寞。」記者笑問他會否秘密去度蜜月？他認為：「其實我做乜都比較秘密，就算我去旅行或者出街食飯都盡量低調。（不過婚事百密一疏！）心裏有數啦！（捉到鬼？）唔係，我心裏有數係知發生咩事，其他唔多講。」

柏豪近日趕拍《使徒行者2》，拍檔苗僑偉（三哥）笑指他無義氣，柏豪解釋：「大家都清楚我唔鍾意將私人事公諸於世，我知道三哥講笑啫，我一定會請食飯。」他又說太太從不喜歡探班，也甚少接觸他的工作。如果太太將來有BB，是否不讓她工作？柏豪即笑笑口謂：「呢啲嘢回應唔到，我係一個幾傳統嘅人，一直都想有自己嘅家庭、有小朋友。（鍾意仔定女？）依家玩人哋嘅BB好開心，如果係仔，我會玩一陣就等佢自己玩，係女就一路keep住玩，佢愈唔睬我就愈開心。」

此外，對於日前有網民指他在柬埔寨跑十公里當馬拉松，更被質疑沒有跑足10km，他解釋是一場誤會，因為當日要配合拍攝，才會放棄賽事，但他強調平日做運動時絕不會「揸流攤」。

採訪：Pauline

編輯：陳禮恒

設計：梁政敏