杏兒Po相 豪裝聖誕樹

結婚快將一年的胡杏兒，昨日在銅鑼灣出席朱古力品牌的聖誕揭幕禮，獲大會送上兩盒朱古力。她表示接了內地劇要拍到明年三月，但結婚周年當日（12月28日）一定會放假陪老公。

聖誕將至，杏兒已開始準備禮物給老公，加上12月28日是他們的結婚一周年紀念，杏兒笑謂：「唔想買太多，所以一次過送一份，（大禮？）ok，其實係一隻手錶。」老公則送她一棵聖誕樹，她續說：「咁多年嚟，我都無喺屋企布置聖誕樹，因為無時間搞，噚日我和奶奶一齊布置，用咗一啲蝴蝶結及波波做裝飾。」為聖誕樹扮完靚靚，杏兒更上載相片，還鬼馬地作狀親一親。

唔靠生仔秘笈

工作方面，杏兒目前接了內地劇，預計拍到明年三月，但結婚周年當日已向劇組請假，她笑謂：「第一年有紀念性，應該會在香港。（燭光晚餐？）無所謂，擺酒嘅酒店會請我哋食飯。」

最近鍾嘉欣返港並抽空與杏兒聚舊，問她是否向嘉欣取經？她笑說：「佢滔滔不絕講咗好多湊仔經，又有做媽咪嘅苦與樂，因為佢睇咗好多書，我都想快啲生小朋友，會盡力，但隨緣啦！（有冇問佢攞生仔秘笈？）我都未試，等自己搞唔掂再問佢，其實每次出席活動都好想向大家報喜，可惜一直未有，我都好對唔住大家。」

撰文：Pauline

編輯：陳禮恒

設計：招潤洪