海洋公園紮營過聖誕 睇世界級魔術

海洋公園嘅佳節項目「聖誕全城ho ho ho」今個星期六（17日）將會正式展開！噚日黛安率先入園觀賞今年嘅重頭節目「超時空魔幻匯演」，可以話單係睇呢個表演都值回票價，事關呢個長達半小時、規模及精采度達專業級數既魔術表演，有多位國際知名嘅幻影大師、全澳一叮（Australia's Got Talent）總決賽的Michael Boyd等表演，以科技打造視覺幻象、魔術、舞蹈及雜技，包括憑空現身、雙人懸浮術、火籠逃脫等，包你睇到嘩華聲。

此外，園方今個平安夜和除夕夜，仲推出限定通宵紮營活動。遊人可於「海洋奇觀」內紮營，用具由公園提供，到時可以夜觀海洋世界，但記得最少提早7日喺海洋公園網站上報名呀！