白俄羅斯舞者 ifc亞洲首演

冬天暖笠笠，聖誕氣氛都打晒折扣。但要享受白色聖誕唔使去北極的，ifc都有啦﹗白俄羅斯舞者Vadim Vanyukhov今個聖誕就化身小丑Vadik Raketa，帶埋佢5位北極朋友，包括3米高的巨型明星北極熊同海鸚，一齊上演「Vadik and The Bears」，實行用舞蹈同強勁節拍賀聖誕。今次除咗係佢哋首次嚟亞洲公演，仲係免費㗎﹗想睇記住要mark實今日（14日）至18日，同本月20至27日，等住同北極熊say hi啦！

Vadim都話，佢開初只係為咗氹囡囡先諗呢個表演，見到囡囡每次睇都笑得好開心，所以都想同世界的觀眾分享，好開心可以嚟香港表演咁話：「孩童嘅笑容係最美麗嘅，我希望盡我所能，為佢哋帶來歡樂。」