沙田除夕倒數 睇雜技迎2017

話咁快就一年，年年都有大除夕「count down」派對新搞作嘅沙田新城市廣場，今年唔止邀請全港市民為新一年許願，商場仲知道大家鍾意upload相，搞咗個互動節目，你嘅願望有機會喺千人見證下「飛」出嚟！只要即日起，登入新城市廣場fb專頁，或者直接登入http://countdown-newtownplaza.com，上載一張個人照片同2017年嘅願望去「願．望流星照亮2017」專頁，就有機會喺新城市廣場除夕晚倒數派對變成一顆流星「飛」出來，願望可唔可以成真，就由大家見證啦！

倒數派對又點止咁簡單，聽公關姐妹講，活動當日仲會有來自加拿大嘅馬戲團特技高手表演空中飛躍、彈跳及翻觔斗等高難度雜技，齋聽都覺得精采啊！